Most Famous Motivational Quotes In Urdu

منزل ملے نہ ملے یہ تو مقدر کی بات ہے
ہم کوشش بھی نہ کریں یہ تو غلط بات ہے

وقت سے پہلے حادثوں سے لڑا ہوں
میں اپنی عُمر سے کئی سال بڑا ہوں

جو یقین کی راہ میں چل پڑے
انہیں منزلوں نے پناہ دی

خدا توفیق دیتا ہے انہیں جو یہ سمجھتے ہیں
کے خود اپنے ہی ہاتھوں سے بنا کرتی ہیں تقدیریں

حرف حرف رٹ کر بھی آگہی نہیں‌ملتی
آگ نام رکھنے سے روشنی نہیں‌ملتی
آدمی سے انسان تک آئو گے تو سمجھوگے
کیوں چراغ کے نیچے روشنی نہیں ملتی

یہی جنون یہی خواب میرا ہے
وہاں چراغ جلا دوں جہاں اندھیرا ہے

زندگی کی یہی ریت ہے
ہار کے بعد ہی جیت ہے

خود سے جیتنے کی ضد ہے مجھے خود کو ہرانا ہے
میں بھیڑ نہیں ہوں دنیا کی میرے اندر اک زمانہ ہے

جو ہوگیا اسے سوچا نہیں کرتے
جو مل گیا اسے کھویا نہیں کرتے
حاصل انہیں ہوتی ہے منزل
جو وقت اور حالات پر رویا نہیں کرتے

شاخیں رہیں تو پھول بھی پتے بھی آئیں گے
یہ دن اگر برے ہیں تو اچھے بھی آئیں گے

ڈوبنا پڑتا ہے اٌبھرنے سے پہلے
غروب ہونے کا مطلب زوال نہیں ہوتا

پھول کی پتی سے کٹ سکتا ہے ہیرے کا جگر
مردِناداں پر کلام نرم و نازک بے اثر

منزل سے آگے بڑھ کر منزل تلاش کر
مل جائے تجھ کو دریا تو سمندر تلاش کر

محنت اتنی خاموشی سے کرو
کہ تمہاری کامیابی شور مچا دے

طوفانوں سے آنکھ ملاؤ، سیلابوں پر وار کرو
ملاحوں کے چکر چھوڑو، تیر کے دریا پار کرو

عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں

کامیابی بازاروں میں نہیں بکتی بلکہ انسان اپنے اپنے
عزم و حوصلے اور لگن سے حاصل کرتا ہے

دو رنگی خوب نئیں یک رنگ ہو جا
سراپا موم ہو یا سنگ ہو جا

دھوپ میں نکلو گھٹاؤں میں نہا کر دیکھو
زندگی کیا ہے کتابوں کو ہٹا کر دیکھو

خدا نے آج تک اس قوم کی حالت نہیں بدلی
نہ ہو جس کو خیال آپ اپنی حالات کے بدلنے کا

کون کہتا ہے کہ موت آئی تو مَر جاوں گا
میں تو دریا ہوں ، سمندر میں اُتر جاوں گا

شاخوں سے ٹوٹ جائیں وہ پتے نہیں ہیں ہم
آندھی سے کوئی کہہ دے کہ اوقات میں رہے

کوئی قابل ہو تو ہم شان کئی دیتے ہیں
ڈھونڈے والوں کو دنیا بھی نئی دیتے ہیں

وقت اچھا بھی آئے گا ناصر
غم نہ کر زندگی پڑی ہے ابھی

ملے گا منزلِ مقصود کا اُسی کو سُراغ
اندھیری شب میں ہے چیتے کی آنکھ جس کا چراغ

مٹا دے اپنی ہستی کو ، اگر کُچھ مرتبہ چاہے
کہ دانہ خاک میں مِل کر گُلِ گُلزار ہوتا ہے

رنج سے خوگر ہوا انساں تو مٹ جاتا ہے رنج
مشکلیں مجھ پر پڑیں اتنی کہ آساں ہو گئیں

اُمیدیں یوں نہ توڑو تُم، کہ یہ قانون ہے ربّ کا
سحر لازم ہے گویا شب میں کتنی ہی طوالت ہو

کشتی بھی نہیں بدلی دریا بھی نہیں بدلہ
اور ڈوبنے والوں کا جذبہ بھی نہیں بدلہ
ہے شوق سفر ایسا اک عرصہ سے یارو
منزل بھی نہیں پائی رستہ بھی نہیں بدلہ

خواہش سے نہیں گِرتے پھل جھولی میں
وقت کی شاخ کو میرے دوست ہلانا ہو گا
کچھ نہیں ہو گا اندھیروں کو بُرا کہنے سے
اپنے حصّے کا دِیا خود ہی جلانا ہو گا

ہم کو مٹاسکے یہ زمانے میں دم نہیں
ہم سے زمانہ خود ہے زمانے سے ہم نہیں

بے فائدہ الم نہیں، بیکار غم نہیں ​
توفیق دے خدا تو یہ نعمت بھی کم نہیں ​

میری زباں پہ شکوہٴ اہل ستم نہیں ​
مجھ کو جگادیا، یہی احسان کم نہیں ​

یا رب! ہجوم درد کو دے اور وسعتیں ​
دامن تو کیا، ابھی مِری آنکھیں بھی نم نہیں ​

ایک نہ ایک دن حاصل کر لیں گے منزل کو
ٹھوکریں زہر تو نہیں، جو کھا کے مر جائیں گے

غلامی میں نہ کام آتی ہے شمشیریں نہ تدبیریں
جو ہو خود پر یقین توہ کٹ جاتی ہے زنجیریں

کامیابی حتمی نہیں ہے۔ ناکامی مہلک نہیں ہے: اس قدر کو آگے بڑھانا ہمت ہے۔

تو رکھ یقین بس اپنے ارادوں پر
تیری ہار تیرے حوصلوں سے توبڑی نہیں ہوگی

جب آپ اپنے خیالات کو تبدیل کرتے ہیں تو ، اپنی دنیا کو بھی تبدیل کرنا یاد رکھیں۔

سبب تلاش کرو اپنے ہار جانے کا
کسی کی جیت پر رونے سے کچھ نہیں ہوگا

آئے ہو نبھانے کو جب کردار زمیں پر
کچھ ایسا کر چلو کے زمانہ مثال دے

زندگی جب زخم پے زخم دے
توہنس کر ہمیں آزمائش کی حدوں کو آزمانا چاہیے

کل یہی خواب حقیقت میں بدل جائیں گے
آج جو خواب فقط خواب نظر آتے ہے

کہنے کو لفظ دو ہے امید اور حسرت
لیکن چھپی ہوئی اسی میں دنیا کی داستاں ہے

ہم بھی دریا ہے ہمیں اپنا ہنر معلوم ہے
جس طرف بھی چل پڑیں گے راستہ ہو جائےگا

یقین ہو توکوئی راستہ نکلتا ہے
ہوا کی اوٹ بھی لیکر چراغ جلتا ہے

اپنے حوصلوں پر جو اعتبار کرتے ہیں
انہیں منزلیں خود پتہ بتاتی ہیں راستے انتظار کرتےہیں

زندگی نے سب کچھ لیکر ایک یہی بات سکھائی ہے
خالی جیبوں میں اکثر حوصلے کھنکتے ہے

یہ آسمان بھی اتر آئےگا زمین پر
بس ارادوں میں جیت کی ہنکار ہونی چاہیے

ہواؤں سے کہہ دو اپنی اوقات میں رہیں
ہم پروں سے نہیں حوصلوں سے اڑتے ہیں